نفسك تتعرف على بنــــاااااات.....

نفسك تتعرف على بنات وتروش تعالى اعرفك الطريقة, تعالى وعيش حياتك


أول ما تدخل المنتدى لازم تعرف حاجات كتيــــــــــــر


ولو انتا شاب روش.. و شايف نفسه .. ونفسه يتعرف على بنات عن طريق النت .. والمنتديات والشات .. والرسائل الخاصة .. وتحب ان كل البنات اللي مسجلين عندنا يتعرفوا على الأيميل بتاعك ويضموك في الماسينجر وتقعد تدردش معاهم .. ويبعتولك ايميلات وتحبهم ويحبوك ... و كل الحاجات والحوارات الحلوة دي .. وكمان تبعت لهم صورتك الجميلة وانت متصور بستايل الشعر الجامد اللى مفيش زيه .. ولابس اجمل ماعندك .. عشان اجمل بنات الموقع يقعوا فيك .. ويتمنوا تراب رجليك

أنا اقولك على الطريقة .. والمفيد .. بس خليك معايا لغاية اخر الموضوع
طبعا انت عارف ان المنتدى ده يختلف عن بقية المنتديات
وكمان لازم تعرف ان بناتنا مش أي بنات .. عشان كده هما ليهم معاملة خاصة
يعني اللى انت بتعملوا في بقية المنتديات لازم تغيره شويه .. وتغير التكتيك هنا
وعشان تشوف نفسك .. مع أي بنت من بناتنا .. جوزين كناري ... يغردوا قصيدة العشق اللا نهائي والكلام دة .. اقولك أنا
لازم أولا تكون مسجل عندنا .. وده طبعا .. حصل منك
وأول ما تدخل على نادينا تخفف من تقل دمك .. يعني تبقى شاب روش ودمك خفيف .. وبعدها ,, الخطوة الثانية
شوف الاسهامات اللي بتساهم فيها البنات .. واقرأ كلماتهم الرقيقة .. واطلع شويه على مشاركاتهم
وشوف الردود الجميلة اللى بيردوا بيها على موضوعات الاعضاء الحلوة
وبعدين حاول انك تعرف ايه لغة الحوار التي تسود في هذا المنتدى
هل هي لغة سوقية .. تسمعها في الشارع
أم انها لغة راقية .. تسمعها في البيوت
اذا كانت الأولى .. وده مستبعد .. فلك الحق في اللى انت عاوزه
أما اذا رأيت انها لغة بيوت وناس محترمين فخش على الطريق ده
وبعدين تابع طريقة الاحترام الواجبة بين الاعضاء واللي بتطبق في المنتدى هنا
شفت الفاظ خارجة تخدش الحياء وشتايم وحاجات كدة ؟

والا قريت تلميح زي التصريح بالدلع والميوعة والمياصة
والا انت شايف عكس كده .. ؟؟؟
طيب لو انت شايف عكس كده .. واعتقد ان ده الموجود عندنا حد يقدر يثبت العكس ؟؟
ليه ما تدخلش من ناحية الكلام الموجود بالمنتدى وتحاول تكون جزء منه
يعني بالبلدي ليه ما تمثلش علينا انك مؤدب وكويس وابن ناس عشان تعيش مع البنات الحلوين الموجودين بالمنتدى

الخطوة التانية


.. انك تتجاوب مع مشاركاتهم .. وكمان ترد وتشارك على المشاركات بتاعة الولاد والشباب والرجال كل ده عشان ما تبينش انك قصدك في الدخول الينا البنات وبس
عرفت بقى ياحلو .. الطريقة

وأسال نفســــــكـ سؤال. ...؟؟؟
(لو مبتردش يبقى نايمه صحيها ورد علياااااااا)
هو انت عندك كام اخت بنت .. ؟؟
(اللى معندوش مبسوط مووت وهيكمل..... يا بوختك )
طيب لو ماكانش عندك اخوات بنات .. عندك كام ابنة عم .. أو ابنة خال .. أو ابنة اخ .. كدة يعني
والسؤال المطروح دلوقتي .. .........؟؟ (قول الحق)

هل تقبل بأن اخواتك البنات يسجلوا في منتدى .. طبعا بصفتك راجل متفتح حاتقول أه .. اسمح لهم طبعاه
(محدش يستغرب نااااااس كتير هتقول ااه ...لانه حق مشرروع وفى حدود الادب معاايا..)
طيب سؤال تاني .. هل تقبل بأن احدى اخواتك البنات أو اقربائك .. يتعاملوا معاملة كويسه على النت والا معاملة مش كويسه
وفيه سؤال تاني احب اسأله عشان ما طولش عليك ...؟؟ (بتقول فى نفسك خلص )..متقلقش
بيتكم اللى انت عايش فيه ياترى تحب تخليه نظيف .. ومرتب .. ومحترم .. ولا تحت تخليه مهرجل ووسخ .. مفيش فرق بينه وبين الشارع.


طبعا تحب تخليه نضيف ومحترم ...؟؟

طيب ليه ما تخليش المنتدى زي بيتك .. وتخليه نظيف .. وتحاول المساهمة في تنظيفه .. وبعد ما تتعود تمثل علينا انك ابن ناس .. تبأة صحيح ابن ناس وابن احسن ناس كمان .. بأدبك وانسانيتك

وكمان ليه ما تخليش بنات المنتدى.. اخواتك وقرايبك .. وتعاملهم باحترام زي ما بتعامل اخواتك .. هو احنا لازم في كل تعاملنا مع الجنس اللطيف اننا نقصد الجانب الوحش بس ..

هل بتحاول تتعرف على اخواتك في السر وعن طريق الرسائل الخاصة .. أو طرح ايميلك للتعرف الغير مشروع .. لأ.. طبعا .. اخواتك بتتعرف عليهم في النور ومع الناس وفي الاماكن العامة والمحترمة

هل لما تحاول تتعرف على بنات المنتدى بالطريقة دي .. حاتكسب كام بنت .. واحد .. اثنين .... ثلاثة
(معتقدش اكتر من كــــــــده....مع كامل اسفى لــبنات منتدنــــا لازم نعمل شبهه للحيديه مش اكتر..)

طيب لما تطبق نظرية انك تعمل المنتدى زي بيتك والعضوات زي اخواتك البنات .. حاتكسب كام اخت .. عد انت بقى عندنا كام بنت .... حاتلاقيهم كلهم اخواتك وقرايبك ...
هو الواحد يحب دائما المواقع الى يخشها يعتبرها شارع أو ناصية .. أو أي شئ تاني .. ؟؟؟

طيب ليه ما تخليش المنتدى عبارة عن بيت .. وبلاش تخليه ناصيه أو شاعر .. وكمان تكسب فينا ثواب لما تساعدنا عشان نخليه نظيف زي بيتنا اللى اتربينا فيه واتعملنا فيه ان الحب يقوم على الاحترام

يمكن تقول اني قاعد ااااقلب دماغك وعامل عليك استاذ .... وبادي دروس.. .. وبلاش وجع دماغ
(لست الافضل ولاكنى احااااااااااول)

ويمكن تقول الواد ده قعد يخلينا نقرا الموضوع وبعدين طلعنا بمفيش ..
بس صدقني هي دي الطريقة اللى تتعرف بيها على بناتنا ... وتكسب قلوبهم وعقولهم .. وتبقى اخ لكل واحدة منهم .. وعلى فكره الشعور ده افضل بكثير من الشعور الثاني.. .. وجربه وانت مش حاتندم

اما لو كنت بتفضل المشاعر الرخيصة التانية ونفسك فيها .. فاحتمال تلاقيها على الناصية التانية .... وانصحك تدور عنها بعيد عن هنا ..... وعلى فكره فيه منها كتير واكتر من الهم على القلب

ولازم تعرف ان لو اى بنت نص كم ولا ربع كم ولا حتى دخلت المنتدى هنااا
مش هتستحمل تقعد فيه ربع ساعه على بعض من الجو الاسرى البحت اللى فيه ده
فمتتعبش نفسك و من دلوقتى دور على اى منتدى تانى من بتوع (للكبار فقط)
دوررر بعيــــــد
هتلاقى كل اللى انت عايزه و اكتر شويه كمان




سوري بقى طولت عليكم .. وارجو اني ما كنش وجعت دماغك .. بس أقدر اقولك ان الطريقة دي مضمونة 100% واعتقد ان البنات كمان تشاركني في الرأي .....
--------------------
وعــــــــن نفسى:
(ســــــأظل اتقبل رأى النقاد والحســــاد فألاول يصحح مساارى والثاانى يزيد من اصرارى)
--------------------

ياااااااااارب اكون عند حسن ظن كل الاعضاء
(صبيان_بنااات)